Urteurrena ospatuko du bihar Zumaiako EAJk, San Inazio Egun bezperan

Juan Luis Romatet

Hitzaldia emango du Arantxa Tapiak bihar Zumaiako EAJren urteurreneko ekitaldien barruan. (EAJ)

Hitzaldia eskainiko du bihar Arantxa Tapiak Hogarreko bigarren solairuan, eta ondoren mokadua emango diete alderdikideei.

Urteurrena ospatuko du bihar Zumaiako EAJk. Urtero bezala, uztailaren 30ean, San Inazio Egun bezperan elkartuko dira alderdikideak urteurren honen bueltan.

Hasteko, Euskal Herriaren etorkizunari buruzko solasaldia eskainiko du Arantxa Tapiak. 19:15ean izango da saioa, Eusebio Gurrutxaga plazako gizarte zentroko (Hogarra) bigarren solairuan.

Haren amaieran, mokadutxoa emango zaie bertaratuko direnei Batzokian. San Inazio Eguneko meza nagusian, berriz, zendutako alderdikide eta kideak oroituko dituzte.

 

Gaurko ametsak biharko albiste izan daitezen, beharrezkoa dugu zure babesa.


Egin bazkide