Bukatu dute dagoeneko ZIPR arraunlari beteranoen denboraldia. Pasa den larunbatean izan zuten ligako azken jardunaldia, Getxon. Zumaiak ez zuen egunik onena izan eta hamargarren postuan sailkatu zen. Denboraldian sarritan gertatu den bezala, Orioko Badok 13 izan zen onena Getxoko uretan.
Ez zuen inork, baina, ospatzeko arrazoi handirik izan, Getxoko arraunlari bat hil egin zen eta. 61 urteko gizona gaizki sentitu zen behin estropada amaituta, lehorrera bidean, eta zendu egin zen.
Ligan bigarren
Zumaiako Beteranoek bigarren postuan amaitu dute aurtengo arraun denboraldia. Bandera bat ere irabazi dute, non eta etxean. Azkenean, puntu bakarra izan da bigarren eta hirugarren sailkatuen artean. Zumaia izan da bigarren, 129 punturekin, eta Getxo hirugarren 128rekin. Badok 13 izan da ligako irabazlea, 166 punturekin.