Dinastia Etxabe pilota txapelketako aurreko aldietan gertatu bezala, ikusita zesta puntak Zumaian zer arrakasta eta garrantzia duen, Zumaiako Kirol Elkarteak, Dinastiako antolatzaileak, aurten ere lekua egin dio pilota modalitate honi txapelketako egitarauan. Hala, gaur, 21:00etan hasita, zesta punta modalitateko bi norgehiagoka jokatuko dituzte Aitzuri pilotalekuan.
- Celaya-Cabanillas vs Hernandez-Danel Mandiola
- Basterra-Ureta vs Egaña-Oierdi
Gaurko partiden amaieran, erabakita geratuko da zer sei bikotek jokatuko dituzten aurtengo aldiko finalak. Izan ere, pasa den ostegunean jokatu zuten eskuzko bigarren eta azken jardunaldia, emaitza hauekin:
- Gazte kategorian: Ibarluzea-Artetxe, 22 / Cestau-Castro, 16.
- 23 urtez azpikoetan: Lizeaga-Azpiroz, 22 / Fernandez-Garaño, 19.
Finalak datorren ostegunean, hilaren 29an, jokatuko dituzte.
Pasa den osteguneko jardunaldiko argazkiak: Javier Carballo.