Bihar ez da olagarro zoparik dastatzeko aukerarik izango; baina, herriko jaki kutuna hamaika eratara jan ahal izango dute herritarrek nahiz bisitariek. Dena prest dute aurtengo Olagarro Eguna ospatzeko; besteak beste, elikagaien azoka, kuadrillen arteko batelen estropada eta herri bazkaria egingo dituzte. Hala ere, azkenengo xehetasun batekin –baina era berean garrantzitsuenetako batekin–, ari dira zenbait herritar Zumaiako Herriko Eskolan: olagarroa moztu eta brotxetak prestatzen, alegia.
Sei postu ezberdinetan probatu ahal izango da olagarroa bihar: Moilaberrin (goizean) Eusebio Gurrutxaga plazan (goizez zeinarratsaldez), Ignacio Zuloaga plazan (arratsaldez), Erribera kalean (arratsaldez), Saregile plazan (arratsaldez) eta Amaiako plazan (arratsaldez).
Honakoa da biharko egitaraua:
-
Goiz partean XVIII. ARGAZKI RALLYA. Izen ematea 09:00etatik 10:00etara, Alondegiko Oxford aretoan.
-
10:30etik 14:30era Eusebio Gurrutxaga plazan ELIKAGAIEN AZOKA.
-
10:30ean hasita HAUR ETA GAZTETXOENTZAT JOLASAK, Itxas-Gain elkarteak antolatuta. Arbustaingo arranpla parean, piraguak eta uretako jolasak; eta Gernika parkean, zinta harrapatzea bizikletan, eltzetxoak puskatzea, etab.
-
11:00etan kuadrillen arteko batel estropada, OLARRO EGUNEKO XVI. BANDERA, Telmo Deun arraun elkarteak antolatuta.
-
Goiz partean, OLAGARRO BROTXETAK E. Gurrutxaga plazako eta Gernika parkeko txosnetan.
-
11:00etatik 13:00etara (bi txanda), Algorri interpretazio zentroan 6-10 urte bitarteko haurrentzat doako TAILERRAK. Aurrez izena eman behar da: info@algorri.eus edo 943143100.
-
11:00etatik 14:00etara ATEA ZABALIK Kofradian, ARRAINEN SALMENTA ARETOA ikusteko.
-
11:15ean HAMAIKETAKOA olagarro harrapatzaile izandakoentzat.
-
11:30ean herriko txistularien KALEJIRA Astindu taldearekin.
-
12:30ean KALEJIRA Zutrik trikitilarien eskutik.
-
14:30ean HERRI BAZKARIA, Sagarbideko aterpean.
-
11:00etan, “Flyscheko olagarroa” BISITA GIDATUA euskaraz (gaztelaniaz 12:30ean) %50eko deskontua kode hau erabiliz: olarroeguna. Erreserbak: www.geoparkea.eus.
-
17:00etatik 19:00etara ATEA ZABALIK Kofradian, ARRAINEN SALMENTA ARETOA ikusteko.
-
Arratsaldez, OLAGARRO BROTXETAK txosnetan.
-
18:30ean HAMARRU ELEKTROTXARANGA herriko kaleetan.
-
19:30ean Kofradian, Olarro eguneko XVI. Bandera emango zaie batel estropadako irabazleei.
-
22:00etan Kofradian, ERROMERIA SOINUZ BLAI taldearekin.
-
22:00etan DJ LUJI eta DJ LOTI Amaia plazan.
(Argazkiak: Maria Maya Manterola)