Pasa den astean aurkeztu zuen Zumaiako Emakumeon Etxeak udazkenerako prestatu duen egitaraua. Horren barruan dira jabetze eskolak, elkarguneak eta agendako ekitaldiak.
Jabetze eskolen barruan, hamabost proposamen prestatu ditu urte amaiera bitarteko hilabetetarako. Indarkeria, autoestimua, idazketa, kirolak edo dantza bezalako gaiak landuko dituzte udazkenean zehar.
Jarduera hauetarako izen-ematea datorren etzi, asteazkenez, amaituko da. Interesdunek Emakumeon Etxean eman dezakete izena edo, bestela, Internet bidez, hemen.
Ohiko ordutegia
Ohiko ordutegiarekin egingo du lan aurrerantzean Etxeak. Astelehenetik ostegunera goizez eta arratsaldez izango da zabalik, 9:30etik 12:30era eta 17:00etatik 20:30era. Ostiraletan, aldiz goizez bakarrik zabalduko ditu ateak, 9:30etik 12:30era.