Beste diru laguntza baten berri eman du udalak. Merkataritza lokalak bete edota jardueretan belaunaldi aldaketa sustatzeko, ekintzaile berriak lagunduko dituzte, merkataritza biziberritzeko helburuarekin. Urtebetez jasoko dute laguntza, gehienez ere 250 euro –beti ere, alokairuaren % 50aren kopurua gainditzen ez badu–.
Urriaren 11ra arte aurkeztu daiteke laguntza, udaletxean edo modu telematikoan. Baldintza guztiak bete beharko dituzte horretarako eskatzaileek: onuradun eta errentatzailearen artean familia loturarik ez egotea, Zumaiako zerga, tasa eta bestelakoen ordainketak eguneratuta izatea, Gizarte Segurantzarekiko betebeharrak beteta edukitzea, edota negozioan euskararen presentzia bermatuta egotea. Lotura honetan ikus daitezke deialdiaren xehetasunak.