Bihar, ostegunarekin, Dorleta Kortazar ipuin kontalariak saio berezia eskainiko du Zumaian, Emakumeon Etxean. Izan ere, helduei zuzenduriko Ispiluak emanaldia bertatik bertara ikusi eta entzuteko aukera izango da: emakumeen istorioek osatzen dute ipuin kontaketaren errelatoa; gezurra, bortxa, mesfidantza eta beldurra gaindituz, estutzen dituzten loturetatik askatu eta zigorrak zigor, basoan aurrera egitea erabaki duten emakumeen kontakizunek.
Saioa 18:30ean izango da, doan, Emakumeon Etxean.