2016az geroztik, urtero ospatu ohi dute Txikitasunean Handi festa Arroabean, adin guztiei zuzendutako askotariko ekintzekin. Aurtengo data ere ezagutarazi dute antolatzaileek: urriaren 12an, larunbatez, ospatuko dute jaia, egun osoko egitarauarekin, bazkariarekin, musikarekin eta oraindik zehaztu gabe dituzten beste zenbait ekintzekin.
Antolatzaileek aurreratu dutenez, datozen egunetan ezagutaraziko dute egitarau osoa. Bitartean, festa eguneko data gordetzeko eskatu diete herritarrei.