Maria Eugenia Arrizabalaga zumaiarrak Eusko Legebiltzarrean zuen eserlekua uzteko erabakia hartu du. Hala baieztatu du EAJ alderdiak, eta erabakia borondatezkoa izan dela azaldu du. Maria Jose Etxegoien oñatiarrak hartuko du bere lekua.
Bi agintalditan izan da Arrizabalaga legebiltzarkide, 2009tik 2015era eta 2020etik aurten arte. Zumaiako alkate ere izan zen 2003tik 2007ra bitartean.
Aurrerantzean, Gipuzkoako Batzar Nagusietako jardueretan zentratuko dela ere gaineratu du. Arrizabalaga batzarkidea da 2015etik eta Eusko Abertzaleak taldeko bozeramailea ere bada gaur egun.