Ostegunetik hasita, Gipuzkoako pilota txapelketako partidak jokatuko dituzte Zumaiako Kirol Elkarteko pilotariek herriko pilotalekuan, Aitzuri frontoian. Lau norgehiagoka izango dira guztira: hiru zesta puntakoak eta bat palazkoa.
Bihar, ostegunez, 19:15ean hasita, nagusien lehen mailako zesta punta partida jokatuko dute etxeko bi taldeek: Zumaia 1 eta Zumaia 2 neurtuko dira Aitzurin. Zesta puntarekin jarraituta, ostiralean, ordu berean, bi partida jokatuko dituzte, kadete mailan: Zumaia 2k Danok Bat 4ren aurka jokatuko du eta, haren amaieran, Zumaia 1ek Danok Bat 3ren kontra.
Asteburuko pilota partidekin amaitzeko, igandean, 11:00etan hasita, jubenil mailako gomazko pilotako pala partida jokatuko dute Zumaia 2k eta Txost 2k.