Euskal eskalatzaileek ondo gogoan dute 1980ko Everesterako igoera. Urte hartan heldu zen euskal espedizio bat lehendabizikoz munduko tontorrera, Everestaren gainera. Martin Zabaleta hernaniarra izan zen Himalaiako mendi horretako gaina zapaldu zuen lehen euskal mendizalea, eta berekin izan zen Pasang Temba xerpa.
Temba Euskal Herrian da egunotan Alex Txikon mendizaleak gonbidatuta, eta zenbait hitzaldi emango ditu bere esperientziaren berri emateko, hamasei, guztira. Gaur arratsaldez Zumaian izan da, Otezuri zentroan, eta bertako aiton-amonei kontatu dizkie mendian bisitako hainbat pasadizu.