Azaroaren 10ean korrituko dute Behobia-Donostia krosa, lasterketa herrikoi honek 59. aldia. Bertan parte hartuko duten korrikalariak mugaraino eramateko eta, behin lasterketa amaituta, herrira bueltatzeko autobusak jarri izan ditu aurreko urteetan Zumaiako Udalak, askotan inguruko udalerriekin batera.
Aurten, baina, ez dute autobusik jarriko korrikalarien joan-etorrietarako. Udalak azaldu duenez, bai lasterketako antolakuntzak, bai Euskotrenek garraiobide publikoak erabiltzeko gomendioa egin dute. Azken honek, gainera, zerbitzu bereziak jarriko ditu egun horretarako.
Azken urteotan autobusak ia hutsik itzultzen zirela ere adierazi du udalak.