Espainiako eta Kataluniako emakumeen eskubaloi selekzioek prestatzen saioak egingo dituzte azaroaren 2an Zumaian, Lubaki kiroldegian. Bi selekzioak datorren urtarrilean jokatuko duten Erkidegoetako selekzioen Espainiako txapelketa prestatzen dabiltza, eta Zumaian bilduko dira lagunarteko eskubaloi partida batzuk jokatzeko.
15:00etan hasiko dira partidak. Lehenbizi jubenilek jokatuko dute, ondoren kadeteek (16:30ean) eta jarraian infantilek (18:00etan).
Gizonen selekzioak, berriz, Lleidan (Herrialde Katalanak) neurtuko dira lagunarteko partidetan.
Datorren urteko urtarrilean jokatuko dute txapelketa hau Espainia mailako erkidegoetako selekzioek, infantil, kadete eta jubenil mailetan. Herrialde Katalanetan jokatuko dute txapelketa, eta hitzordu hartarako prestaketa abian dute dagoeneko.