Open eta gazte kategorietako bodyboardlariak elkartu dira pasa berri den asteburuan Itzurun hondartzan jokatu duten Euskal Bodyboard Zirkuituko Zumaiako proban. Itzurungo hitzorduan erabaki dituzte kategoria horietako Euskal Herriko txapeldunak ere.
Hala, open kategorian irabazle Borja Gainzarain izan da. Bigarren eta laugarren herriko kirolariak izan dira: Beñat Yeregi bigarren eta Xabi Urrestilla laugarren. Bien artean Ethan Perez sailkatu da hirugarren postuan.
Perez bera izan da irabazlea gazte kategorian. Bigarren Lucciano Campos sailkatu da, Nil Duryo hirugarren eta Markel Zendoia zumaiarra laugarren.