Azaroa hastearekin batera, hildakoak oroitzeko tartea hartu dute zumaiarrek. Santu Guztien Eguna da gaur, eta hildakoak gogorarazteko eta omentzeko asmoz, lorez atondu dute hilerria beste urte batez. Asko izan dira goizean goizetik hilerrira joan direnak loreak eta apaingarriak hilobietan jartzera; beste batzuk astean zehar aritu dira zeregin horretan.