Euskal selekzioko kategoria absolutuan jokatzeko deitu dute Mikel Martinez eskubaloi jokalari zumaiarra. Hain zuzen ere, etzi, osteguna, Bilbon izango dute neurketa senior mutilek Txileren aurka, eta partida horretan izango da Martinez. Eneko Tena ere bertan izango da, Euskal selekzioaren hautatzaile gisa.
Norgehiagoka 19:30ean izango da La Casilla kiroldegian, eta doakoa da sarrera.