Kneecap izeneko film irlandarra aukeratu du Ostarrena zine klubak gaurko zine forum saiorako. Filmaren izen bereko hip hop talde irlandarreko kideak dira musika, komedia eta politika uztartzen dituen lan honen protagonistak. Michael Fassbender aktoreak ere lan egiten du film honetan. Saioa 19:00etan hasiko da Aita Mari aretoan, eta sarrerak leihatilan izango dira salgai, 5 euroan.
Sinopsia
Irlandan 80.000 irlandar hiztun daude, 6.000 iparraldean bizi dira eta horietako hiruk dena hankaz gora jarriko dute Kneecap izeneko rap hirukotea osatzen dutenean. Anarkikoak, basatiak eta edozertarako prest daudenak ama-hizkuntza salbatzeko.