Janari bilketa ari dira egiten asteburu honetan Zumaian. Atzo izan ziren herriko supermerkatu batzuetan, eta gaur ere izango dira, Gipuzkoako Elikagai Bankura bideratzeko produktuak biltzen.
Elikagaiak eta bestelako produktuak erosi eta emanaz hartu daiteke parte kanpaina honetan, baita bonoak erosiz ere. Hala, bilketa Alaiko, Ardantzabideko eta Foruen plazako Eroski supermerkatuetan, eta Ardantzabideko BM supermerkatuan egingo da, goizeko 9:00etatik iluntzeko 9:00etara bitartean.
Kontserbak, lekaleak, azukrea, esnea, pasta, arroza, opilak, irina edota olioa eman ahal izango da, baita 5 eta 6 neurrietako fardelak ere.