Santa Zezilia egunaren harira, Zumaiako Musika Bandak kontzertua eskaini zuen atzokoan. Zumaiena ikastetxean eskaini zuten emanaldia, eta hainbat herritar gerturatu zen kontzertua ikusteko asmoz.
Bertan, hainbat doinu interpretatu zituzten, ikusleen gozagarrirako. Musikarien egunaren bueltan bestelako emanaldiak ere eskaini dituzte azken egunotan, hala nola Musika eta Dantza Eskolako haurren emanaldia.