Gaztea irratiak iragarri ditu aurtengo Maketa lehiaketako hogei aurre finalistak. Horien artean da Ainhoa Urteaga musikari eta abeslari zumaiarra.
Kantautoretzat jotzen du Urteagak bere burua. Txikitatik maite izan du musika, eta ordutik pianoa jo izan badu ere, azken urteotan aurrerapauso bat eman du eta jendaurrean abesten hasi da.
Urola Kosta eskualdeko beste hiru proposamen ere hautatu ditu epaimahaiak aurre finalista izateko: Azkoitiako Eraldatzen eta UR taldeak, eta Getariako Skaregekasko.
Botoak ostegunera arte
Behin hautagaiak ezagutzera emanda, zabaldu dute dagoeneko botoa eman eta finalistak aukeratzeko epea. Egunean behin bozkatu ahal izango dute interesdunek. Botoa eman ahal izateko beharrezkoa izango da Gaztean erregistratuta egotea. Hemen dago abestiak entzuteko edota botoak emateko aukera.