Herriko ekosistemen inguruko egutegia plazaratu du aurten Zumaiako Udaleko Euskara Zerbitzuak. Bertan, ekosistema desberdinei buruzko informazioa eskuratu daiteke QR kodeen bidez. Marrazkiak, ohi bezala, Ander Hormazurik egin ditu; testuak, berriz, Gonzalo Torrek prestatu ditu.
Euskararen Egunaren inguruan banatu zuten egutegia herriko ikastetxeetan, haur hezkuntzako eta lehen hezkuntzako ikasleen artean, eta hemendik aurrera udaletxeko harreran ere eskuratu ahal izango da. Udalaren webgunean ere ikusgai dago, hemen.