Urtero legez, Zumaiako Distira argazkizaleen elkarteak erakusketa kolektiboa zabaldu du Alondegiko Oxford aretoan. Atzo izan zen irekiera, eta hilaren 31ra arte zabalduko dute egunero aretoa, 18:00etatik 20:00etara.
Elkarteko hamasei bazkidek parte hartu dute aurtengo bilduma osatzeko, eta argazki bat aurkeztu du bakoitzak. Distiraren lehiaketetan ez bezala, ez dute gai zehatzik izan erretratuak egiteko. Askotariko argazkiak ikus daitezke, baina aurreko urteetan baino paisaia gutxiago. Estudioko argazkiak dira nagusi.