Garai bateko Zumaia gaur egungoarekin konparatzeko aukera izaten dute herriko ikastetxeetako LH3 mailako haurrek Zumaia ezagutzen programari esker. Haren barruan, argazki rallya egiten dute. Argazki zaharrak bildu, irudietan ageri diren lekuak identifikatu, eta toki horietara joan ohi dira, aldaketarik izan ote den ezagutzeko. Lekuen oraingo argazkiak ere ateratzen dituzte.
Behin argazki berriak aterata, irudi zaharrenaren antzekotasun handiena dutena aukeratu dute boto bidez. Aukeratutako argazkiekin, egun Alondegiko sarreran jarri duten erakusketa kolektiboa sortu dute Oikia Herri Eskola, Zumaiako Herri Eskola eta Zumaiena Ikastetxeko ikasleen lanak uztartuz.