Gabonak gainean ditugu eta haurrak (eta ez hain haurrak ere) irrikitan izango dira egun horiek noiz etorriko. Jaso nahi dituzten oparien zerrendak dagoeneko prest izango dituzte. Batzuk Olentzerori egingo dizkiote eskaerak, besteek Errege Magoei eta askok eta askok biei.
Olentzerorentzako gutunak uzteko postontzia jarri dute egunotan Estalapean, Kofradiako aterpean. Bertan utzi ahal izango dituzte haurrek beraien eskaerak, abenduaren 24ra arte.
