Musika mota ezberdinak entzuten dituela dio Curielek. "Ulertu ditzakedan hitzak dituzten kantak gustatzen zaizkit normalean abestu ahal izateko. Ingelesezkoak gehiago kostatzen zaizkit, ezin ditudalako kantatu edo ez behintzat nahi bezain ondo".
1. Olatz Salvador: Basan
Indar eta energia asko transmititzen didan abeslaria da Salvador, kanta honek bereziki.
2. Valeria Castro eta Tanxungueiras: Hoxe, mañá e sempre
Lagun baten bidez deskubritu ditut orain dala gutxi, eta Valeria Castroren kantuetara engantxatu naiz.
3. Champs: Vamala
Aspaldi batean ezagutu nuen eta lasaitasun positibo batera eramaten nauen kanta da. Bainuontzia urez bete eta argi gutxirekin, beste leku batera eramaten nau.
4. Beirut: Elephant gun
Atzealdean izateko, edo gorputza kontzienteki mugitzeko abestia. Klaseetan edo entseguetan berotzeko asko gustatzen zaidan taldea da.
5. Rigoberta Bandini: Perra
Saltoka eta oihuka abesteko kanta.
