Urriaren amaieran Valentzian (Herrialde Katalanak) izan ziren uholdeetan kaltetutakoei laguntza emateko asmoz, zumba saio solidarioa egin zuten igande goizean Sagarbideko aterpean. Haurrek zein helduek hartu zuten parte bertan, eta izen emateetatik eta rifa salmentatik ateratako dirua Gurutze Gorriari emango zioten, erakundeak han duen proiektu bat laguntzeko.
Guztira, 2.450 euro bildu zituzten igandean, eta gaur eman diote kopurua Gurutze Gorriko ordezkari bati.