Urtea amaitzeko, bertsolari gazteen saioa antolatu du Zumaiako Bertso Eskolak. Abenduaren 27an izango da, 20:00etan Alondegiko Oxford aretoan.
Kantuan arituko dira Aitor Tatiegi, Haira Aizpurua, Libe Goenaga, Andoni Rekondo, Aroa Arrizubieta eta Irati Arakistain, eta Amets Aizpuruak egingo ditu gai jartzaile lanak. Sarrerak eskuratu daitezke dagoeneko, 3 euroren truke, Turismo Bulegoan.