Errege Magoen laguntzaileek gutunak jasoko dituzte urtarrilaren 4an Beheko plazan. Haurrak hotzetan denbora luzez ez egoteko, familiei eskatu diete pertsona bakarrak ateratzeko argazkiak, ahalik eta arinen ibiltzeko.
Bestalde, egun horretan aniztasun funtzionala duten haurrek lehentasuna izango dute Errege Magoen laguntzaileei gutunak emateko, baina eskatu dute aurrez jakinarazteko kultura@zumaia.eus helbidera idatzita.
Urtarrilaren 5ean, berriz, Errege Magoen ohiko desfilea izango da, baina aurrez, bisita bereziak egingo dituzte eguneko zentroan, Otezuri eta San Juan egoitzetan eta hala eskatzen duten etxeetan. Haur edo adinekoren bat gaixo egonez gero, eta bisita jaso nahi izatekotan, eskaera emailez egiteko eskatu dute, urtarrilaren 3ko 14:30ak baino lehen, kultura@zumaia.eus helbidera mezua bidalita.