Aitzuri pilotalekua irriz eta oihuz bete da gaur eguerdian, Gabonetako haur parkea zabaldu baitu bertan Zumaiako Udalak. Goizean 11:00etatik 13:30era arte egon da irekita, eta bazkalorduko etenaren ondoren, 16:00etatik 19:30era ere erabilgarri egongo da.
Askotariko aisialdi jolasak jarri dituzte frontoian herriko haur eta gaztetxoentzat –puzgarriak, ibilgailu bereziak eta mahai jokoak, besteak beste–, eta gozatu ederra hartu dute denek.
