Zumaiako Sarek ekintza sorta antolatu du aurten ere urte amaierarekin batera. Hala, mendi irteera edo mus txapelketa izan dira, besteak beste, azken asteotan. Urtea amaitzeko, berriz, manifestazioa egin zuten presoen, iheslarien eta deportatuen etxeratzea eskatzeko. Hotzari aurre eginez, hainbat herritar abiatu ziren Eusebio Gurrutxaga plazatik.
Urtarrilaren 11n Bilbon egingo den manifestazioan parte hartzeko deia ere egin dute azken egunetan. Bizkaiko hiriburura joateko autobusa izango da Zumaiatik. Interesdunek Inpernupen edo Kantauri tabernan eman dezakete izena. Internet bidez apuntatzeko aukera ere izango da, hemen.