Arlote bat umorezko ikuskizuna ekarriko du Ekain pailazoak urtarrilaren 12an Zumaiara. Bi emanaldi izango dira egun horretan, eguerdiko 12:00etan lehena eta 16:30ean bigarrena. Bi saioetarako sarrerak bihar jarriko dituzte salgai, 4,25 euroan, Turismo Bulegoan eta sarrerakzumaia.eus webgunean.
Sinopsia
Arlote bat umorez eta hausnarketaz beteriko lana da. Ekainek herriko arauak desafiatzen dituen arlote baten papera egiten du, desberdin ikusten dutenen barre eta komentarioei aurre eginez. Bere izateko modu bakarraren bidez, aniztasunaren eta sormenaren balioa erakusten du, askotan desberdina denaren beldur den mundu batean.