Urteko lehen odol emate saioa egingo dute datorren asteazkenean, urtarrilaren 8an, Zumaian. Hogarrean egingo dituzte ateratzeak, 16:30etik 20:30era bitartean.
Odola eman nahi duten lagunek aurrez txanda hartu beharko dute. Pasa berri den asteburuan Internet bidez erreserbatu ahal izan dira txandak, eta gaur eta bihar telefonoz egiteko aukera zabalduko dute. Horretarako, 609 81 27 06 telefono zenbakira deitu daiteke edo zenbaki horretara WhatsAppeko mezu bat bidali.
Urteko egutegia
Zumaiako Odol Emaileek iragarri dute jada 2025. urteko odol emate saioen egutegia. Hala, urtarrileko hitzorduaz gain, honako beste egun hauetan izango dira odol emateak Zumaian: martxoaren 12an, maiatzaren 14an, uztailaren 9an, irailaren 10ean eta azaroaren 12an.