Urte berria hasi eta gutxira izan da lehen hilketa matxista Euskal Herrian. Barakaldon (Bizkaia) izan zen gertaera, urtarrilaren 3an: 84 urteko emakume bat izan zen biktima, eta hiltzailea haren semea. Emakumeak ez zuen aurrez salaketarik jarri, baina Berria egunkariaren arabera, semeak indarkeria matxistarekin lotutako aurrekariak zituen.
Hilketa salatzeko elkarretaratzea egingo dute gaur arratsaldez Zumaian. 19:30ean izango da, Saregile plazan.