Zumaiako jubilatuen eta pentsiodunen plataformak bihar hasiko ditu elkarretaratzeak, Gabonetako etenaren ostean. Bihartik aurrera, astelehenero elkartuko dira Saregile plazan 12:00etan.
Mobilizazioekin hasi zirenetik ia zazpi urte igaro direnean, gutxieneko pentsioa lanbide arteko gutxieneko soldatarekin pareka dezatela eskatzeko sinadura bilketa abiatuko dute aurki. Eusko Legebiltzarrean aurkeztuko dute gero zerrenda, pentsio egokiak lortzera bidean beste urrats bat emateko asmoz.