Zabaldu dute dagoeneko Zumaiako 40. Herri Lasterketarako izen ematea. Otsailaren 15ean jokatuko dute kirol proba hau, arratsaldez, eta azken urteotan bezala bi distantziatan parte hartu ahal izango da: 5.600 metroko lasterketa laburrean eta 10.200 metroko luzean. Eusebio Gurrutxaga plazan kokatuko dituzte probaren irteera eta helmuga puntuak.
Hasteko, ohikoa den bezala, gaztetxoen probak jokatuko dituzte. Kimuen kategoriako korrikalariek 1.050 metroko ibilbidea egingo dute 15:45etik aurrera; infantil eta kadete mailakoek; 2.100 metrokoa: infantilak 16:00etan aterako dira eta kadeteak 16:10ean. Denak ere Eusebio Gurrutxaga plazatik abiatuko dira. 16:30ean benjamin mailako haurren txanda izango da. Hauek 250 metro egingo dituzte Saregile plazatik aterata. 16:40an haur eta gaztetxoen kategoriako sari banaketa egingo dute.
17:00etan aterako dira distantzia luzeko parte hartzaileak, eta hamar minutu geroago, 17:10ean, lasterketa laburrekoak. 18:15ak arte izango dute korrikalari horiek lasterketa bukatzeko epea.
Bi lasterketa hauetarak izenak kronoak.com webgunearen bidez jasoko dituzte. Distantzia luzeko korrikalariek 13,40 euro ordainduko dituzte izena ematerako orduan; laburrekoak, aldiz, 11,35 euro. Bien kasuan izena emateko azken eguna otsailaren 11ko 20:00ak izango da. Informazio gehiagorako, Lubaki kiroldegira jo daiteke, 943-86 20 21 telefono zenbakira.