Gerra eta faxismoaren aurka. Gazte langileok lehen lerrora lelopean manifestazio bana deitu du Gazte Koordinadora Sozialistak (GKS) datorren astebururako Bilbon (Bizkaia) eta Iruñean (Nafarroa). Larunbatez, urtarrilaren 25ean egingo dira bi mobilizazioak, eta Bilbora joateko autobusa ere jarri dute kostaldeko herrietatik.
Martxa horien atarian, ekintza desberdinak antolatu ditu Urola Kostako GKSk kostaldeko herrietan. Zumaiari dagokionez, horma irudia margotuko dute bihar eguerdian N-634 errepideko saihesbidearen azpitik igarotzen den tuneleko paret batean. 12:00etarako jarri dute hitzordua, eta haren amaieran mokadua emango dela ere iragarri dute.