Larunbat goizean jokatu zuten Pasaian Gipuzkoako batel ligako bigarren jardunaldia. Astebete lehenago Oreretan gertatu bezala, Zumaiako Telmo Deun arraun elkarteko ontziek lan ona egin zuten Pasaian ere.
Emaitza onena neska promesek lortu zuten. Lehenak izan ziren bere kategorian. Promesetan baita ere, baina mutiletan, Zumaiako bigarren postu bikain bat lortu zuen. Ontzi mistoa, berriz, hamargarren izan zen.
Aurretik, infantil mailako estropadak jokatu zituzten. Nesketan, Zumaiako ontzia seigarren izan zen.
Igandeko estropada saioari amaiera eman zion txandan, berriz, gizonezkoen maila absolutoan, Zumaiako bigarren izan zen.
Ligako hirugarren jardunaldia datorren asteburuan jokatuko dute, Orion, Zarautz Arraun Elkarteak antolatuta.