Zesta puntako lau pilota partida jokatuko dituzte datorren asteburuan Zumaiako Aitzuri pilotalekuan, ostiralean eta larunbatean bina.
Bihar, 19:15ean hasita, kadete mailako bi norgehiagokak izango dira, biak ere Zumaiako eta Noaingo (Nafarroa) pilotarien artekoak. Lehenbizi, Zumaia B eta Noain C arteko partida jokatuko dute, eta ondoren, 20:00etan, Zumaia A eta Noain B artekoa izango da.
Larunbatean, 16:15ean hasiko da kirol jarduera Aitzurin. Hasteko, Zumaia eta Hondarribiko infantil mailako pilotariak neurtuko dira; ondoren, 17:00etan, nagusien kategoriako Zumaia eta Cabanillas B klubetako puntistak kantxaratuko dira.