Gipuzkoako batel ligako hirugarren jardunaldia jokatuko dute bihar goizez Orioko errioan, Zarautz Arraun Elkarteak antolatuta. Infantiletan hasi eta maila absolotura bitarteko estropadak jokatuko dituzte.
Irteera eta helmuga puntua herriko plaza parean kokatuko dute. Behin aterata, errioan gora egingo dute, kategoriaren arabera distantzia konkretu bat betez: infantilek 1.000 metro egingo dituzte, promesek 1.500, eta jubenilek eta maila absolutokoek 2.000 metro.
Orioko hitzorduan izango dira aurten Telmo Deun arraun elkarteak uretaratu dituen bost ontziak. Lan ona egin dute jokatutako bi jardunaldietan–urtarrilaren 12an Errenterian, eta 18an Pasaian–. Infantik neskak bederatzigarren dira, promesa neskak eta mutilak, biak bigarren, eta lehenak maila absolutoko mutilak.