Apirilaren amaiera eta maiatzaren hasiera bitartean ospatuko dira aurtengo San Telmo jaiak Zumaian. San Telmo egun bezperan izaten den helduen danborradak laguntzen du Kofradian egiten den banderaren igoera. Ekitaldi berezia da, oso maitea herritarren artean, baina lan handia ekartzen duena, bai egunean bertan, baita aurretik ere.
Horregatik, danborradaren antolaketa lanarekin hasteko, ardurak banatzeko, eta sor daitezkeen beste gaiez hitz egiteko bilera deitu dute datorren ostegunerako, hilaren 30, 19:30ean, Alondegian.