Pasa den asteburuan izandako haize bolada bortitzek kolokan jarri zuten Aita Mari futbol ondoan zegoen argiteriako dorre bat. Aipatu dorrearen balantzek pitzadurak sortu zituzten zoruan, eta arriskuak ekiditeko futbol zelaia bera eta ondoan dauden teniseko eta padeleko pistak ixtea erabaki zuen udalak igande goizean.
Teknikariak atzo bertaratu ziren, eta dorrea kentzeko erabakia hartu zuten. Ezinezkoa izan zuten, ordea, atzo dorrea eramatea. Gaur eraman dute kaltetutako azpiegitura eta, berriro erabilgarri jarri ditu kirol instalakuntzak.