Gero eta gertuago daude Inauteriak, eta festetan modu batera edo bestera parte hartzen duten eragileak prestaketa lanetan dira dagoeneko. Horien artean da Zumai txaranga. Aurreko urteetan bezala, Inauterietako larunbatean, aurten martxoaren 1ean, eguerdian eta arratsaldean irtengo dira kalera.
Eguerdi parteko emanaldia, ordea, berezia izango da Inauteri hauetan: herritarrak bildu nahi dituzte elkarrekin kalejira bat osatzeko. Deia egin diete musika tresnak jotzen dituzten ikasleei edota gurasoei parte hartzera, eta kalejira behar bezala prestatzeko, entseguak egingo dituztela ere jakinarazi dute. Otsailaren 10, 17 eta 24an izango dira, 19:30etik 20:15ak bitarte, Ubillos jauregian.