Zabalik da santelmoetan eta sanpedroetan Gernika parkean salmenta postuak jartzeko eskaerak egiteko epea. Zumaiako Udalak postu bakarra jartzea baimenduko dio eskatzaile bakoitzari, eta gehienez ere, hamabost izango dira. Baimena eskuratzeko, otsailaren 28a baino lehen aurkeztu beharko da eskaera orria udaletxean edo telematikoki.
Behin epea amaituta, eskatzaileen kopurua plazak baino altuagoa balitz, zozketa egingo luke udalak martxoaren 5ean, eta martxoaren 7an argitaratuko luke baimendutakoen zerrenda. Baimendutako eskatzaileek martxoaren 10etik 28ra bitartean baldintzak betetzen dituztela frogatzen duten dokumentazioa eta ordain agiria aurkeztu beharko dituzte.