Balenciaga ontziolako langileek elkarretaratzea egin zuten atzo goizez PSE-EE alderdiak Donostian duen egoitzaren aurrean. Haren bidez, Carlos Cuerpo Ekonomia eta Industria ministroarekin biltzea eskatu zuten, datorren larunbatean, hilaren 15ean, Donostian izango delako alderdi sozialistaren kongresuan.
Duela bi aste egin zen Zumaiako Udaleko urtarrileko ohiko udalbatzarrean (PSE-EEko zinegotzia ez zen bertan izan) langileek luzatutako galderak luzatu zituzten atzoko protesta ekintzan: "zergatik jartzen ditu PSOEk COFIDESen interesak Balenciagaren lanpostuen gainetik eta zer neurri hartzeko prest dauden enpresaren itxiera saihesteko".