Zumaiako Kirol Elkarteko hiru bikotek zesta puntako Euskadiko txapelketako finalerdiak jokatuko dituzte datorren asteburuan. Kadete eta senior mailako puntistek etxean jokatuko dute, ostiralean; senior mailako bigarren bikoteak Nafarroan izango du hitzordua.
Ostiralean, 19:15ean hasita, kadete mailako partida jokatuko dute Zumaiak eta Euskal Jai-Alaiek. Zumaiarren aldetik, Watkins eta Silveti kantxaratuko dira. Haren amaieran, 20:15ean, ohorezko mailako finalerdia jokatuko dute Zumaiak eta Berriatuak. Cosme eta Uranga izango dira Zumaiako Kirol Elkarteko ordezkariak partida horretan.
Seniorretan, Haritz Egañak eta Ander Uretak Cabanillasen izango dute finalerdia, larunbatean, 12:00etan hasita.
Txapelketako finalak hurrengo ostiralean, martxoaren 7an, jokatuko dituzte Zumaiako Aitzuri frontoian.