Junior mailako Espainiako selekzioak Torneo Pierre Tiby eskubaloi txapelketa jokatuko du martxoaren 13tik aurrera Parisko aldirietan dagoen Montévrain herrian. Hautatzaileak iragarri du dagoeneko zer jokalari deituko dituen txapelketan aritzeko, eta horien artean da Irungo Bidasoa taldean dabilen Jon Ander Iribar ezker alboko zumaiarra.
Martxoaren 10ean Madrilen egon beharko du, eta Espainiako hiriburuan entrenamendu saio batzuk egin eta gero, Parisera joango da selezioa. Han, hilaren 13an, Islandiaren aurka arituko da, eta ondorengo egunetan Frantzia eta Hungariaren aurka.