Maura Delpero idazle eta zuzendari duen Vermiglio film italiarra emango dute gaur eta bihar, asteburuko zinema saioan, Aita Mari aretoan. Saioak 19:30ean hasiko dira eta sarrerak aurrez eros daitezke sarrerakzumaia.eus webgunean, 5,5 euroan gaurko saiorako eta, 4 euroan, ikuslegoaren eguna izanik, biharko emanaldirako.
Sinopsia
Bigarren Mundu Gerraren amaieran, Italiako Alpeetako mendiko herri urrun batean. Soldadu desertore baten etorrerak aldatu egingo dio bizitza bertako maisu bati, eta haren familiako kide guztiak ustekabeko patu batera eramango ditu.