Zumaiako etxebizitza bateko lorategira sartu zen gizonezko bat epaituko dute ekainaren 16tik aurrera Donostiako epaitegietan. Fiskaltzak bi urteko espetxe zigorra eskatuko du harentzat, etxean indarrez sartu zela leporatuta. Auzia, gainera, zinpeko epaimahaiarekin egingo dute.
Gertakaria 2023ko apirilean izan zen, gaueko ordu txikitan. Epaituko duten gizonezkoa etxebizitza pribatu bateko lorategira sartu zen ustez, han bizi ziren pertsonen baimenik gabe, hesia gaindituta. Han bizi ziren pertsonen "lasaitasuna eta segurtasuna" asaldatzeko asmoa zuen, ustez. Etxean bizi ziren pertsonek aurkitu zuten gizonezkoa lorategian.