Urtero bezala, Inauterietako Argazki Txokoa izango da aurten ere Alondegiko Oxford aretoan. Bihar, larunbata, 18:30etik aurrera izango da zabalik aretoa, eta bertaratzen direnek helduen mozorro lehiaketan parte hartuko dute zuzenean, irudi horiek igandetik aurrera zumaiaguka.eus webgunean ikusi eta bozkatu ahal izango baitira.
Erabiltzaileek gogokoen dituzten mozorroak hautatzeko aukera izango dute ostegun gauerdira arte. Ostiralean jakingo da zein diren saridunak. Banakako edo bikotekako mozorro onenak Gertu elkarteak emandako 80 euroko erosketa txartela irabaziko du; taldekako onenak, berriz, 200 euroko erosketa txartela, hori ere Gertu elkarteak emandakoa.