Hasi dira inauteriak Zumaian. Urtero bezala, Herri Eskolako eta Zumaienako ikasle eta irakasleek kalejira koloretsua egin dute herrian zehar. Norbere ikastetxean hasi dute jaialdia, eta zubi txikian egin dute bat bi kalejirek. Handik Saregile plazara jo dute musika lagun zutela; han buelta eman, eta Erribera kalean barrena iritsi dira Eusebio Gurrutxaga plazara. Guraso andana gerturatu da ibilbidera zein plazara, haurrek aurrez prestatutako dantzak eta kalejira ikustera.